Հունաստանը պատրաստ է օգնություն ցուցաբերել Հայաստանին

276

Հունաստանի ԱԳ նախարար Նիկոս Դենդիասը ՀՀ ԱԳ նախարար Զոհրաբ Մնացականյանի հետ հեռախոսազրույցից հետո հայտարարել է, որ իր երկրի իշխանությունները պատրաստ են Լեռնային Ղարաբաղի հակամարտության գոտում լարվածությունը թուլացնելու հարցում օգնություն ցուցաբերել:

«Մնացականյանի հետ հեռախոսազրույցի ժամանակ վերահաստատվել է Հայաստանի ու Հունաստանի միջև բարեկամական ամուր կապերը: Դենդիասը դատապարտել է մարդկային կորուստները և պատրաստակամություն հայտնել Լեռնային Ղարաբաղում անհապաղ ապաէսկալացիա հաստատելու հարցում օգնություն ցուցաբերել»,-ասված է Հունաստանի ԱԳՆ տարածած հայտարարության մեջ: