Վրացական բանակը փոխում է սովետական հատուկ տեխնիկան

690

Վրաստանի բանակին տրանսպորտային միջոցներ տրամադրելու համար այդ երկրի պաշտպանության նախարարությունը համաձայնագիր է ստորագրել աշխարհի առաջատար ընկերությունների ղեկավարների հետ։

Համաձայն Վրաստանի ՊՆ-ի հաղորդագրության՝ զինված ուժերում սովետական ​​հատուկ տեխնիկան կփոխարինվի ավելի քան 500 միավոր MAN (Գերմանիա), IVECO (Իտալիա) և Ford (ԱՄՆ) ապրանքանիշերի ժամանակակից հատուկ տրանսպորտային միջոցներով:

Ինչպես նշել են նախարարությունից՝ սա առաջին անգամն է, որ վրացական զինուժը կունենա միջազգային չափանիշներին համապատասխանող հատուկ տեխնիկա: Այս ապրանքանիշերի հատուկ սարքավորումներն օգտագործվում են Գերմանիայի, Իտալիայի, Իսպանիայի, Շվեյցարիայի և զարգացած այլ երկրների զինված ուժերի կողմից:

Վրաստանը ձեռք բերված նոր տեխնիկայի գումարը կվճարի մաս-մաս՝ մի քանի տարվա ընթացքում: Նշվում է նաև, որ նոր հատուկ տեխնիկայի ձեռքբերումը կարևոր որոշում է նաև ծախսարդյունավետության տեսանկյունից, քանի որ հնացած սարքավորումների պահպանումն ու նորոգումը տարեկան մինչև մեկ միլիոն լարի արժեն: