Իրաքում շարունակվում են բախումները ցուցարարների և անվտանգության ուժերի միջև։ Հատկապես արյունալի բախումներ են գրանցվել երկրի հարավում, որտեղ Իրանի դեսպանատան հրկիզումից հետո 36 ցուցարար է սպանվել անվտանգության ուժերի կողմից, իսկ 245-ը ստացել են մարմնական վնասվածքներ։
Մայրաքաղաք Բաղդադում տեղի ունեցած բախումների հետևանքով անվտանգության ուժերի կողմից արձակված մարտական փամփուշտներից մահացու վիրավորում է ստացել 4 ցուցարար, իսկ 22-ը մարմնական վնասվածքներ են ստացել։
Այսպիսով՝ 2019 թվականի հոկտեմբեր ամսից սկսած զոհերի ընդհանուր թիվը գրեթե 350-ի է հասել, իսկ հազարավոր մարդիկ վիրավորվել են բախումների ժամանակ։
Իրաքում ցույցերի ծավալման սկզբնական շրջանում ցուցարարները պահանջում էին իշխանություններից լուծել կոռուպցիայի և երիտասարդների գործազրկության հետ կապված խնդիրները։
Սակայն այժմ ցուցարարների հիմնական պահանջը երկրի քաղաքական իշխանությունների հրաժարականն է՝ վարչապետի գլխավորությամբ։
Ավելի ուշ հայտնի է դարձել, որ նոյեմբերի 29-ին Իրաքի վարչապետ Ադիլ Աբդումեհդին հայտարարել է իր հրաժարականի մասին։
