ԱՄՆ պաշտպանության նախարարությունը հրաժարվել է պարզաբանել, թե արդյոք ամերիկյան կողմն Իրանին մեղավոր է ճանաչում Օմանի ծոցում իսրայելական նավի վրա տեղի ունեցած պայթյունի համար:
«Ես Ձեզ կուղղորդեի Իսրայելի իշխանությունների մոտ, քանի որ խոսքը իրենց նավի մասին է…..Ես հետախուզության ոչ մի տվյալ չունեմ, որի մասին կարող էի խոսել այս ամբիոնից»,-լրագրողների հետ զրույցում ասել է Պենտագոնի մամուլի քարտուղար Ջոն Քիրբին:
Նշենք, որ ավելի վաղ Իսրայելի վարչապետ Բենյամին Նեթանյահուն Իրանին մեղադրել Օմանի ծոցում Իսրայելին պատկանող Helios Ray նավի վրա պայթյուն կազմակերպելու մեջ:
