Թեհրանը բաց է հանուն տարածաշրջանի անվտանգության և կայունության հարևան պետությունների հետ երկխոսության համար: Այս մասին հայտարարել է Իրանի արտաքին գործերի նախարար Մոհամմադ Ջավադ Զարիֆը:
Զարիֆը Twitter-ում մասնավորապես գրել է.
«Իրանը իր հարևանների հետ բաց է երկխոսության համար, և մենք հայտարարում ենք ցանկացած հավելյալ աշխատանքի մասնակցելու մեր պատրաստակամության մասին, որը բխում է տարածաշրջանի շահերից»:
Զարիֆի խոսքով՝ Թեհրանը ողջունում է «ցանկացած քայլ, որը վերածնում է տարածաշրջանի ազգերի հույսերն ու նրանց կայունություն ու բարգավաճում հաղորդում»:
Հիշեցնենք, որ ավելի վաղ Իրանի նախագահի վարչակազմի ղեկավար Մահմուդ Վայեզին նշել է, որ «կան տարբերություններ Վաշինգտոնի և Էր Ռիադի հետ Թեհրանի հարաբերություններում»:
Նրա կարծիքով՝ Սաուդյան Արաբիայի հետ տարաձայնությունների լուծումն օգուտ կտա ամբողջ Մերձավոր Արևելքին:
