Սիրիայի Իդլիբ նահանգի Սարակիբ շրջանում կառավարական բանակի ու ահաբեկչական խմբավորումների միջև տեղի ունեցող մարտերի ընթացքում զոհվել է սիրիական բանակի հայ զինծառայող Ժան Գաթանճեանը: Այս մասին տեղեկանում ենք Հալեպի «Գանձասար» պարբերականի Facebook-յան էջից:
Նշվում է, որ 1988 թվականին ծնված Գաթանճեանը զոհվել է փետրվարի 5-ին:
Պարբերականը տեղեկացրել է նաև, որ զոհված զինծառայողի հոգեհանգիստը տեղի է ունենալու Հալեպի հայ կաթողիկե Ս.Խաչ եկեղեցում փետրվարի 6-ին ժամը 13:00-ին:
