Սաուդյան Արաբիայի թագաժառանգն այսօր ժամանելու է Անկարա

76

Այսօր Սաուդյան Արաբիայի թագաժառանգ Մուհամմադ բն Սալմանը կավարտի իր տարածաշրջանային այցը՝ մեկնելով վերջին երրորդ երկիր՝ Թուրքիա:

Ինչպես հաղորդում է Al Arabiya-ն՝  Սալմանն այսօր ժամանելու  է Անկարա, որտեղ նախագահական պալատում հանդիպելու է Թուրքիայի նախագահ Ռեջեփ Թաիփ Էրդողանի հետ:

Բանակցությունների օրակարգում կենտրոնական տեղ է զբաղեցնելու տնտեսական ոլորտը: Քննարկվելու են բոլոր այն քայլերը, որոնք պետք է ձեռնարկվեն Ռիադի և Անկարայի միջև համագործակցությունը տարբեր ոլորտներում զարգացնելու համար։

Պաշտոնական այցի ընթացքում ստորագրվելու են նաև մի շարք համաձայնագրեր՝ տարբեր ոլորտներին առնչվող:

Նշենք, որ Թուրքիայի նախագահը ապրիլին այցելել էր Սաուդյան Արաբիա՝ երկկողմ հարաբերությունները զարգացնելու համար:

Սաուդյան Արաբիայի թագաժառանգը տարածաշրջանային այցը սկսել էր երկուշաբթի երեկոյան, որի ընթացքում մեկնել էր Եգիպտոս և Հորդանան։