Հորդանանի Հաշիմյան Թագավորության թագավոր Աբդալլահ Երկրորդի այցի շրջանակում Երևանում փետրվարի 10-ին տեղ է ունենում Հայաստան-Հորդանան գործարար համաժողովը:
Միջոցառմանը մասնակցում են ՀՀ Էկոնոմիկայի նախարար Տիգրան Խաչատրյանը, Հորդանանի Հաշիմյան թագավորության բարձաստիճան պաշտոնատար անձինք, քաղաքական, հասարակական գործիչներ և երկու երկրների գործարար շրջանակների ներկայացուցիչներ:
Սպասվում է, որ համաժողովի շրջանակներում ՀՀ էկոնոմիկայի նախարարության և Հորդանանի Հաշիմյան թագավորության Արդյունաբերության, առևտրի և մատակարարումների նախարարության միջև կստորագրվի համագործակցության հուշագիր:
Նշենք, որ Հորդանանի թագավոր Աբդալլահ Երկրորդը Հայաստանում է երկօրյա այցով՝ ՀՀ նախագահի հրավերով:
