Եգիպտոսի նախագահ Աբդել Ֆաթթահ աս-Սիսիի անձնական ներկայացուցիչ Մոհամեդ Նեգմին անդրադարձել է վերջին օրերին Հայաստանի սահմաններին տեղի ունեցած ռազմական բախումներին:
Ինչպես տեղեկացնում է ՀՀ դեսպանությունը, Նեգմին կարևորել է տարածաշրջանում կայունության հաստատման անհրաժեշտությունը:
Նշենք, որ դեսպան Փոլադյանի և Մոհամեդ Նեգմիի հանդիպումը տեղի է ունեցել Հայաստանի Հանրապետության Անկախության օրվա կապակցությամբ:
Զրույցի ընթացքում Մոհամեդ Նեգմին Եգիպտոսի նախագահի անունից շնորհավորել է Հայաստանի Ազգային տոնը և ջերմ բարեմաղթանքներ փոխանցել ՀՀ նախագահ Վահագն Խաչատուրյանին:
Նա նշել է, որ Հայաստանը Եգիպտոսի համար բարեկամ երկիր է, որի հետ հարաբերությունների զարգացումը մեծապես կարևորվում է նախագահ աս-Սիսիի կողմից։
Անդրադառնալով վերջին օրերին Հայաստանի սահմաններին տեղի ունեցած ռազմական բախումներին՝ նախագահի անձնական ներկայացուցիչը հարատև խաղաղություն մաղթեց Հայաստանին՝ հատկապես կարևորելով տարածաշրջանում կայունության հաստատման անհրաժեշտությունը։
