Կիրակի Իսրայելի ռամզաօդային ուժերի հրթիռները հարվածել են Սիրիայի արևմտյան քաղաքներից մեկին, ինչի հետևանքով երեք սիրիացի զինվոր է վիրավորվել, հաղորդում են սիրիական պետական լրատվամիջոցները:
Պաշտոնական SANA գործակալությունը, վկայակոչելով ռազմական աղբյուրը, հայտնում է, որ լուսադեմին հրթիռներն արձակվել են Համա նահանգի Մասյաֆի ուղղությամբ։ Սիրիայի հակաօդային պաշտպանությունը խոցել է դրանցից մի քանիսը։ Մահվան դեպքեր չեն գրանցվել։
Իսրայելը ոչ մի մեկնաբանություն չի տվել հրթիռակոծության մեղադրանքների առնչությամբ:
Հիշեցնենք, որ օրեր առաջ Իսրայելի օդուժը հրթիռակոծել էր Դամասկոսի միջազգային օդանավակայանը, որի հետևանքով մի քանի օր շարունակ օդանավակայանը շահագործման ենթակա չի եղել:
