Իրանի ԱԳՆ խոսնակ Նասեր Քանանին հայտնել է, որ Թեհրանում Իրաքի դեսպանը կանչվել է երկրի արտգործնախարարություն:
Քանանին հավելել է, որ դեսպանին է փոխանցվել Իրանի բողոքը՝ Իրաքի Քուրդիստան տարածաշրջանի «անջատողական խմբավորումների անդամներին ուղղված հրավերի և որոշ ահաբեկչական խմբավորումների գործողությունների շարունակման կապակցությամբ»:
Խոսնակը նշել է, որ այդ գործողությունները հակասում են երկու երկրների միջև ստորագրված անվտանգության վերջին համաձայնագրին:
