Վրաստանի վարչապետ Իրակլի Ղարիբաշվիլին ընդունել է Թուրքիայի Ազգային անվտանգության խորհրդի գլխավոր քարտուղար Սեյֆուլլահ Հաջիմուֆթուօղլուին։ Տեղեկությունը հայնտում է Վրաստանի կառավարությունը:
Հանդիպմանը կողմերը բարձր են գնահատել երկու երկրների միջև առկա ռազմավարական գործընկերությունը և ընդգծել երկկողմ համագործակցությունն էլ ավելի խորացնելու և ամրապնդելու պատրաստակամությունը։
Ըստ աղբյուրի՝ Վրաստանը բարձր է գնահատում Թուրքիայի ամուր աջակցությունը Վրաստանի ինքնիշխանությանն ու տարածքային ամբողջականությանը, ինչպես նաև Վրաստանի եվրաատլանտյան ինտեգրմանը։
Նշվել է, որ կարևոր է երկկողմ ռազմավարական գործընկերության հետագա խորացումը ոչ միայն քաղաքական և տնտեսական, այլ նաև անվտանգության ուղղությամբ։
