Լիբանանահայերը բողոքի ակցիա են կազմակերպել Լիբանանում Ադրբեջանի դեսպանատան դիմաց՝ Ադրբեջանի կողմից Արցախում հայ բնակչության նկատմամբ իրականացրած էթնիկ զտումների և ցեղասպանության համար: Տեղեկությունը փոխանցում է լիբանանյան պետական լրատվամիջոցը՝ հավելելով, որ տուժել է 20 ցուցարար:
Հազարավոր ցուցարարները վանկարկել են կարգախոսներ և պահել պաստառներ, որոնցով դատապարտել են Ադրբեջանի քաղաքականությունն Արցախի նկատմաամբ: Նրան այրել են Ադրբեջանի դրոշը:
Լրատվամիջոցը հաղորդել է, որ հրմշտոց է առաջացել ցուցարարների և անվտանգության ուժերի միջև, որի հետևանքով անվտանգության ուժերը կիրառել են արցունքաբեր գազ: Արդյունքում վիրավորվել է 20 ցուցարար:
