Regionmontor.com-ը ներկայացնում է հուլիսի 10-ի դրությամբ տարածաշրջանում կորոնավիրուսի տարածման վերաբերյալ տվյալները։ Ստորև ներկայացվում են Հայաստանի, Արցախի, Թուրքիայի, Ադրբեջանի, Վրաստանի, և Իրանի COVID-19-ի հետ կապված ընթացիկ տվյալները։

Հայաստանում հուլիսի 10-ի դրությամբ հաստատվել է կորոնավիրուսով վարակման 557 նոր դեպք, վարակվածների ընդհանուր թիվը հասել է 30․903-ի: Մեկ օրում կորոնավիրուսի հետևանքով մահացել է 11 քաղաքացի, մահացածների թիվը 546 է: Մեկ օրում գրանցվել է կորոնավիրուսով վարակված պացիենտների՝ այլ հիվանդությունից մահվան 7 դեպք: Հուլիսի 10-ի դրությամբ մահվան այս դեպքերի թիվը 177 է: Ընդհանուր առմամբ, մեկ օրում մահացել է 18 մարդ, իսկ մահվան ընդհանուր դեպքերի թիվը հասել է 723-ի:  Մեկ օրում առողջացածների թիվը 709 է, ընդհանուր առողջացածներինը՝ 18․709, փաստացի բուժվողներինը՝ 11․471 (մեկ օրում ավելացել է 170-ով): Մեկ օրում թեստավորվել է 2․050 մարդ, ընդհանուր առմամբ առ այսօր թեստավորվել է 131․216 քաղաքացի:

Արցախում անցած մեկ օրում կորոնավիրուսի վարակի 4 նոր դեպք է հաստատվել: Կորոնավիրուսով հիվանդ 3 քաղաքացի առողջացել և թողել է մեկուսացման վայրը՝ բուժվածների ընդհանուր թիվը հասել է 116-ի: «Ընդհանուր առմամբ, հաստատված դեպքերի քանակը 146 է: Այս պահին մեկուսացված է 77, հիվանդությունը փաստացի հաղթահարում է 30 քաղաքացի: Ընդհանուր առմամբ կատարվել է 2․522 թեստավորում:

Թուրքիայում հուլիսի 9-ին կորոնավիրուսից մահացել է 18 մարդ։ 1 օրում կատարված 50․103 թեստի արդյունքում հաստատվել է կորոնավարակի 1.024 նոր դեպք։ Նույն ժամանակահատվածում գրանցվել է ապաքինման 2.879 դեպք: Ըստ պաշտոնական տվյալների` մինչև օրս համավարակից ապաքինվել է 190.390 մարդ, իսկ 1.179 հիվանդ էլ գտնվում է վերակենդանացման բաժանմունքում։ Մինչև այժմ ընդհանուր առմամբ արձանագրվել է վարակման 209․962 և մահվան 5․300 դեպք։ Թեստավորումների թիվը հասել է 3 մլն 832.623-ի։

Ադրբեջանում հուլիսի 10-ին կորոնավիրուսով վարակման 526 նոր դեպք, 502 մարդ ապաքինվել է,8-ը՝ մահացել։ Ընդհանուր առմամբ Ադրբեջանում հաստատվել է կորոնավիրուսով վարակման 22․990 դեպք, որից 14․093-ը ապաքինվել է, 292-ը՝ մահացել։ Բուժում է ստանում 8․605 մարդ։ Վերջին մեկ օրում անցկացվել է 7․576 թեստ, ընդհանուր առմամբ՝ 552․311։

Վրաստանում կորոնավիրուսի ևս  5 դեպք է հաստատվել: Վարակվածների ընդհանուր թիվը հասել է  973-ի: Եվս 2 հոգի համարվում է առողջացած: Առողջացածների ընդհանուր թիվն այսպիսով հասավ 846-ի: Կարանտինում 4851 մարդ է, ստացիոնարում` 231: Մահվան 15 դեպք է եղել: Արտերկրից բուժման նպատակով Վրաստան տեղափոխված վարակակիրների թիվը 31 է:

Իրանի առողջապահության նախարարության հաղորդած տվյալների համաձայն՝ վերջին 24 ժամվա ընթացքում կորոնավիրուսով վարակվածների թիվն ավելացել է 2․262-ով, որից հոսպիտալացվել է 1․455-ը։ Վարակման հաստատված դեպքերի ընդհանուր թիվը կազմում է 252․720: Նախորդ օրվա ցուցանիշով վարակվածների թիվը 2․079 էր։ Վերջին 24 ժամվա ընթացքում մահվան 142 դեպք է արձանագրվել։ Մահացած հիվանդների ընդհանուր թիվը կազմում է 12․447: Նախորդ օրվա ցուցանիշով մահվան 221 դեպք էր արձանագրվել։ Ապաքինված հիվանդների թիվը կազմում է 215 015 : Նախորդ օրվա ցուցանիշով ապաքինվածների թիվը 212․176 էր: 3․319 հիվանդ ծանր վիճակում է։ Նախորդ օրը այդ ցուցանիշը 3․324 էր։ Մինչ օրս 1 մլն 922․501 թեստ է անցկացվել։

Մեկնաբանել

Please enter your comment!
Please enter your name here