Կիրակի Թուրքիայում չեղարկվել են Հայոց ցեղասպանության հիշատակի միջոցառումները՝ իշխանությունների կողմից սահմանված արգելքի պատճառով, թեև Անկարան և Երևանը փորձում են կարգավորել հարաբերությունները։
Թուրքական երկու հասարակական կազմակերպություններ նախատեսել էին երկու բացօթյա հավաքներ անցկացնել Անկարայում և Ստամբուլում, որը, սակայն, հնարավոր չի եղել իրականացնել: Այս մասին վկայում է նաև AFP-ի (Agence France Press) թղթակիցը, ով ներկա էր հավաքների վայրում:
«Ոստիկանությունն այժմ թույլատրում է հավաքները այնքան ժամանակ, քանի դեռ չի օգտագործվում ցեղասպանություն բառը»,- նշել է Աիշա Գյունայսուն, ով Թուրքիայում գործող Մարդու իրավունքների պաշտպանության ասոցիացիայի (IHD) անդամ է:
«Թուրք քաղաքական գործիչները ցանկանում են մեզ լռեցնել: Մենք դա չենք անի: Մենք կշարունակենք հարգել մեր նախնիների հիշատակը»,- հայտարարել է «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Կարո Փայլանը, ով այս շաբաթ ներկայացրել է Հայոց ցեղասպանությունը ճանաչող օրինագիծը:
Նշենք, որ Թուրքիայում հայոց ցեղասպանության թեման տասնամյակներ շարունակ տաբու է եղել: Թուրքիան շարունակաբար մերժել է ցեղասպանության եզրույթը: Միայն 2005 թվականից թուրք մտավորականները սկսել են ոգեկոչել Հայոց ցեղասպանությունը
Այնուամենայնիվ, իշխանությունները 2016 թվականից ի վեր ուժեղացրել են հռետորաբանությունը և արգելել հիշատակի միջոցառումների անցկացումը Ստամբուլի երկու հիմնական վայրերում՝ Թաքսիմ և Սուլթանահմեթ հրապարակներում:
Հետևեք մեզ տելեգրամում
