Իրանական «Irdiplomacy» վերլուծական կայքում հրապարակվել է իրանցի փորձագետ Ալի Մոֆաթթեհի հոդվածը ադրբեջանա-հայկական հակամարտության և այդ համատեքստում գերտերությունների, մասնավորապես՝ տարածաշրջանային խաղացողների դերի և շահերի վերաբերյալ։
Հոդվածում հեղինակը նախ նկարագրել է Հարավային Կովկասում ստեղծված իրավիճակը, այնուհետև մի շարք պատճառներ է թվարկել, որոնք, ըստ ամենայնի, հակասություններ են առաջացրել Բաքու-Թեհրան հարաբերություններում, մասնավորապես, ընդգծվել է այսպես կոչված «Զանգեզուրի միջանցքի» խնդիրը։
Հեղինակի շեշտել է, որ Իրանը կարողացել է հարաբերական կայունություն հաստատել իր արևմտյան սահմաններում, իսկ արևելյան սահմաններում լեզու է գտել թալիբների հետ, ուստի որևէ պատճառ չկա ապակայունացնելու հյուսիսային սահմանները՝ մտնելով պատերազմի մեջ։
Նշվում է, որ Բաքուն, անկասկած, ջանքեր կգործադրի, որպեսզի խուսափի հակամարտության մեջ մտնելուց, իսկ Իրանը իր հերթին կջանա, որպեսզի չհարձակվի շիայադավան «իրանական» ժողովրդի՝ադրբեջանցիներին վրա։
Հոդվածում նաև նշվել է, որ «Զանգեզուրի միջանցքը» առաջին հերթին ուղղված է Իրանի դեմ, սրանով Թուրքիան կարող է ձևափոխել Բաքու-Նախիջևան ավանդական ճանապարհը, որն անցնում է Իրանի տարածքով»։
Հոդվածի եզրափակիչ մասում հեղինակը մի քանի շեշտադրումներ է անում, որոնցից ամենաուշագրավը հետևյալն է.
«Կարծես թե կարճաժամկետ հեռանկարում կան որոշ լուծումներ, որոնք կարող են օգնել Իրանին բարելավել իրավիճակը՝ ընդգծելով Հայաստանի տարածքային ամբողջականության պահպանումը»։
Հետևեք մեզ տելեգրամում
