Մայիսի 23-ին դեսպան Վահագն Աթաբեկյանը՝ դեսպանության դիվանագիտական անձնակազմի ուղեկցությամբ, ներկա գտնվեց Լիբանանի և Իսրայելի սահմանին տեղակայված UNIFIL (United Nations Interim Force in Lebanon) խաղաղապահ առաքելության կազմի հայկական զորախմբի հերթափոխի դրոշի պաշտոնական հանձնման հանդիսավոր արարողությանը։ Այս մասին տեղեկացնում է Լիբանանում ՀՀ դեսպանատունը:
ՀՀ զինծառայողների հետ հանդիպման ընթացքում դեսպան Աթաբեկյանը բարի ծառայություն մաղթեց նոր ժամանած խմբին՝ բարձր գնահատանք հայտնելով հերթափոխը հանձնածներին լավագույնս իրականացված ծառայության համար։
Դեսպան Աթաբեկյանը հանդիպում ունեցավ նաև UNIFIL-ի ուժերի արևմտյան հատվածի հրամանատար բրիգադի գեներալ Մասսիմիլիանո Ստեքայի հետ, որի ընթացքում վերջինս շնորհակալություն հայտնեց Հայաստանի Հանրապետությանը միջազգային և տարածաշրջանային խաղաղությանը բերած իր ներդրման համար։ Քննարկվեցին նաև հետագա համագործակցության հնարավոր հեռանկարները։
Հետևեք մեզ տելեգրամում
