Մոսկվան առաջարկել է Թուրքիայինն դառնալ էներգետիկ հանգույց, գազային հոսքերի բաշխման հարցում։ Այս մասին «Region Monitor»-ի հետ զրույցում ասել է ՌԴ ԱԳՆ-ի Դիվանագիտական ակադեմիայի դասախոս, թուրքագետ Վլադիմիր Ավատկովը:
Ռուս թուրքագետը խոսեց «Երկնագույն հոսք», և «Թուրքական հոսք», ինչպես նաև «Աքքույու» ատոմակայանի նախագծի մասին:
Ռուս թուրքագետի կարծիքով՝ Թուրքիան Ռուսաստանի համար կայուն գործընկեր է տնտեսական ոլորտում:
Անդրադառնալով Եվրոպայի՝ ռուսական գազից հրաժարվելու մասին հայտարարությանը, Ավատկովը նշեց.
«Թուրքիան մեծացնում է ռուսական գազի ներկրման ծավալները և պատրաստ է դառնալ կայուն մատակարար Եվրոպայի համար։ Ի վերջո, Եվրոպայում ոչ ոք չի ցանկանում մրսել ձմռանը, իսկ Կատարից և արաբական այլ երկրներից գազ ստանալն չի հաջողվում։ Այս հարցի շուրջ բանակցություններ են եղել, որոնք հաջողություն չեն ունեցել։ Հեղուկ բնական գազ մատակարարելու հարցում ԱՄՆ-ն իր հնարավորությունների սահմանագծին է։ Եվրոպան ստիպված կլինի բանակցել և կոմունիկացիայի մեջ մտնել Թուրքիայի հետ։ Եվրոպացիները չէին ցանկանում մեզ հետ բանակցել, դե, հիմա թող տանջվեն Թուրքիայի հետ:
Անդրադառնալով Ռուսաստանի և ընդհանրապես ԱՄՆ-ի քաղաքականության տարբերությանը՝ Ավատկովն ասաց, որ Մոսկվան, ի տարբերություն Վաշինգտոնի, գործում է «ոչ թե մահակի, այլ բլիթի» քաղաքականությամբ:
«ԱՄՆ-ը փորձում է ստիպել Թուրքիային անել այն, ինչ ձեռնտու է իրենց։ Նրանք համարում են, որ պետք է ստիպել Թուրքիային գործել Արևմուտքի տրամաբանությամբ, իսկ Ռուսաստանն այդպես չի վարվում»։
Ռուս թուրքագետ. «Եվրոպան ստիպված կլինի բանակցել Թուրքիայի հետ»
Հետևեք մեզ տելեգրամումՎերջին լուրեր
