Ռուսաստանը, միանշանակ, իր ապագան Հարավային Կովկասում տեսնում է Հայաստանի հետ համագործակցությամբ. փորձագետ

Ռուսաստանը միանշանակ իր ապագան Հարավային Կովկասում տեսնում է Հայաստանի հետ համագործակցությամբ. փորձագետ

Հայ-ռուսական հարաբերությունների հեռանկարների, հումանիտար, մշակութային, կրթական և գիտական ​​հարցերի վերաբերյալ Regionmonitor.com-ը հարցազրույց է կազմակերպել Ռուսաստանի «Ազգային հետազոտական ​​համալսարանի» «Համապարփակ եվրոպական և միջազգային հետազոտությունների կենտրոնի» փոխտնօրեն Ալեքսանդր Կորոլևը, ով նաև հանդիսանում է «Վալդայ» միջազգային քննարկումների ակումբի փորձագետ:

-Պարոն Կորոլև, ինչպե՞ս է Ռուսաստանը տեսնում Հարավային Կովկասը տեսանելի ապագայում՝ հաշվի առնելով այն փաստը, որ Մոսկվան պատմական և ավանդական կապեր ունի այս տարածաշրջանի հետ։

Ռուսաստանն իր ապագան Հարավային Կովկասում տեսնում է Հայաստանի հետ համագործակցության մեջ։ Ռուսաստանի համար այս պահին կարևոր է տնտեսական ուղղությունը։ Հայաստանի հետ համագործակցության համար մշակվում են տարբեր գաղափարներ և նախաձեռնություններ, մասնավորապես թվային բլոկի վերաբերյալ։ Օրինակ՝ Հայաստանի նախկին վարչապետ Տիգրան Սարգսյանը Եվրասիական զարգացման բանկի շրջանակներում աշխատում է թվային բլոկում։ Այժմ Հայաստանի քաղաքացիների թիմը Եվրասիական զարգացման բանկի շրջանակներում ներկայացնում է թվային բլոկ։ Կազմակերպվում են տարբեր միջոցառումներ։ Մենք որոշակի միտում ենք տեսնում Հայաստանի հետ թվային բլոկի զարգացման, այդ թվում՝ ԵԱՏՄ շրջանակներում թվային էկոհամակարգի ստեղծման առումով։ Ռուսաստանի համար Հյուսիս-Հարավ միջանցքն այժմ կարևոր է, այդ թվում՝ Իրանի հետ տնտեսական հարաբերությունների զարգացման առումով, և Ռուսաստանը այդտեղ Հայաստանն ընկալում է որպես յուրօրինակ կամուրջ։

Որքանո՞վ է Հայաստանը գրավիչ ռուս զբոսաշրջիկների համար: Ի՞նչ հեռանկարներ կան այս ուղղությամբ։

-Հայաստանն ունի նաև իր առանձնահատկությունները, օրինակ՝ հարուստ պատմությունը։ Ռուսաստանում կան որոշ շրջանակներ, որոնք ուսումնասիրում են Հայաստանը, Հայոց պատմությունը, ճարտարապետությունը։ Բազմաթիվ ռուս զբոսաշրջիկներ, հետազոտողներ Հայաստան են գալիս այս երկրի պատմությանը մանրամասն ծանոթանալու համար։ Հայաստանի նկատմամբ հետաքրքրությունը մեծ է նաև ռուս գործարարների, զբոսաշրջիկների շրջանում։ Համոզված եմ, որ մեր ողջ ներուժը չենք օգտագործում:

-Ի՞նչ անել, որ Հայաստանում ավելի շատ մարդիկ ծանոթանան ռուսական մշակույթին, թեև բոլորս էլ գիտենք, որ Հայաստանում ռուսական մշակույթը գնահատվում է, և աստիճանաբար ավելի շատ են հետաքրքրվում ռուս գրականությամբ, նկարչությամբ, երաժշտությամբ:

-Ինձ թվում է, որ մեր գլխավոր խնդիրներից մեկն այն է, որ Ռուսաստանի հայ համայնքի ռեսուրսները չեն օգտագործվում Բայց խնդիրն այն է, որ Ռուսաստանի հայ համայնքում չկա մեկ միասնական համակարգ, ինչպես, օրինակ այն առկա է Ֆրանսիայ կամ ԱՄՆ-ի հայ համայնքներում։ Սփյուռքը շատ կարևոր դեր է խաղում ազգերի և երկրների միջև հարաբերությունների ամրապնդման համատեքստում։ Այս առումով կարևոր գործոն են այն Ռուսաստանի քաղաքացիները, որոնք այժմ գտնվում են Հայաստանում։ Դրանք կարող են օգտագործվել նաև բիզնես և ՏՏ կապերը ամրապնդելու տեսանկյունից։ Շատ ծրագրեր կարելի է իրականացնել, բայց կարևորն այն է, որ դրանք կրեն համակարգված բնույթ:

Շատ կարևոր է ընտրել թիրախային լսարանը: Ակնհայտ է, որ ժամանակակից հայ երիտասարդության մտածելակերպը տարբերվում է նախորդ սերնդից։ Սա պետք է հասկանալ և մշակել նոր մեթոդներ: Պետք է մշակել հստակ քաղաքականություն և մեթոդներ։ Կարևոր գործոն է համատեղ կինոարտադրության հարցը։ Ընդ որում ֆիլմերը պետք է հասկանալի լինեն թե՛ ռուս, թե՛ հայ երիտասարդների համար
Կարևոր է նան երիտասարդության գործոնը։ Շեշտը պետք է դրվի նրանց վրա։ Անհրաժեշտ է երկու երկրներից կամավորներ հրավիրել և նրանց ներգրավել տարբեր նախագծերում։