Իրանն անօդաչու թռչող սարքերով հարվածներ է հասցրել Քուվեյթի օդանավակայանին: Կա մեկ զոհ, մի քանիսը վիրավորվել են: Այս մասին հայտնել է Քուվեյթի արտգործնախարարությունը։
Հարձակումը զգալի վնաս է հասցրել T1 տերմինալին և օդանավակայանի մի քանի այլ օբյեկտների։ Նշվել է, որ անվտանգության նկատառումներից ելնելով դադարեցվել են բոլոր չվերթները։
Ավելի վաղ հայտնի էր դարձել, որ ի պատասան Ղեշմ կղզում ԱՄՆ կողմից իրանական օբյեկտների թիրախավորման՝ Թեհրանը հրթիռային հարվածներ է հասցրել Բահրեյնի ու Քուվեյթի ուղղությամբ:







