Վաշինգտոնն ու Թեհրանը համաձայնեցրել են հրադադարը, որի մասին պաշտոնական հայտարարություն է սպասվում առաջիկա օրերին։ Այս մասին հայտնում է «ՌԻԱ Նովոստի»-ն՝ հղում անելով Իրանի և Պակիստանի իր աղբյուրներին։
Ըստ աղբյուրների՝ ձեռք բերված պայմանավորվածությունը նախատեսում է նաև Հորմուզի նեղուցով ազատ նավարկության ապահովում։ Հրադադարի մասին պաշտոնական հայտարարությունից հետո նախատեսվում է անցկացնել բանակցություններ և տեխնիկական հանդիպումների հերթական փուլը։
Հիշեցնենք, որ հունիսի կեսերին ԱՄՆ-ն և Իրանը ստորագրել էին հուշագիր, որը պետք է մեկնարկ տար խաղաղության համաձայնագրի կնքման գործընթացին, սակայն մեկ ամսից էլ քիչ ժամանակ անց կողմերի միջև լարվածության նոր սրացում էր սկսվել։
Վերջին շաբաթներին Իրանը և ԱՄՆ-ն միջնորդների մասնակցությամբ փորձել են համաձայնեցնել նոր գործարքի պայմանները։
Հետևեք մեզ տելեգրամում
