Ռուսաստանի Ստերլիտամակ քաղաքում առևտրային համալիրում բռնկված հրդեհի հետևանքով 4 մարդ է զոհվել, ևս 4-ը հոսպիտալացվել են։ Ընդհանուր առմամբ տուժել է 8 մարդ, հայտնել է Ռուսաստանի Արտակարգ իրավիճակների նախարարությունը։
Հրդեհը բռնկվել է «Солнечный» առևտրի և սպասարկման համալիրի չորսհարկանի շենքի երկրորդ հարկում։ Փրկարարները տարհանել են շենքում գտնվող 17 մարդու, իսկ հրդեհը ընդգրկել է 2,1 հազար քառակուսի մետր տարածք։
Հոսպիտալացվածների թվում են երեք կին և մեկ դեռահաս, նրանցից մեկը գտնվում է վերակենդանացման բաժանմունքում՝ ծանր վիճակում, իսկ մյուս երեքի վիճակը, այդ թվում՝ երրորդ հարկից ցած նետված 27-ամյա կնոջ և 16-ամյա աղջկա, գնահատվում է միջին ծանրության։
Հրդեհի մարման աշխատանքները բարդացել են շենքի կառուցվածքի, բարդ հատակագծի և հրդեհային բարձր ծանրաբեռնվածության պատճառով։
Հետևեք մեզ տելեգրամում
