Իսրայելի գլխավոր դատախազ Ավիխայ Մանդելբլիտը հայտարարել է, որ մտադիր է 3 դրվագով մեղադրանք առաջադրել երկրի վարչապետ Բենիամին Նեթանյահուին:
«Ես վարչապետի փաստաբաններին տեղեկացրել եմ, որ որոշել եմ մեղադրանք առաջադրել 3 գործով՝ կաշառակերություն, խարդախություն և հասարակության վստահության չարաշահում»,-ասել է գլխավոր դատախազը՝ շեշտելով, որ վարչապետին առաջադրված մեղադրանքները հիմնված են հազարավոր ապացույցների վրա:
Նեթանյահուն գլխավոր դատախազի այս որոշումը «հեղաշրջման փորձ» է անվանել և խոստացել Իսրայելը ղեկավարել «պատասխանատվությամբ և օրենքին համապատասխան»:
Նշենք, որ Իսրայելի պատմության մեջ առաջին դեպքն է, որ գործող վարչապետին սպառնում է քրեական մեղադրանք:
Հետևեք մեզ տելեգրամում
