Ռուսաստանը զինված ուժեր է տեղակայել Սիրիայի հյուսիսային այն տարածքներում, որոնք վերահսկվում են քրդերի և կառավարական ուժերի կողմից:
Քրդերի կողմից վերահսվող Թալ-Ռիֆաթ քաղաքի բնակիչները AFP-ին հայտնել է, որ ռուսական զինված ուժերն արդեն հասել են քաղաք:
Բնակիչները նաև տեղեկացրել են, որ ռուսական ուժերը մոտակա գյուղում ճանապարհային տարբերանշաններ են տեղադրել՝ բաժանելով թուրքական ուժերի և նրանց աջակցությունը վայելող սիրիական ուժերի վերահսկողության տակ գտնվող դիրքերից:
Թուրքամետ ուժերը վերահսկում են Թալ-Ռիֆաթի հյուսիսային հատվածը, իսկ ռուսական ուժերը տեղակայվել հիմնականում հարավային հատվածում:
Իր հերթին Մարդու իրավունքների սիրիական դիտարանը տեղեկացրել է, որ Ռուսաստանը նաև ուժեղացրել է իր զորքերը Թալ Ռիֆաթի մոտակայքում գտնվող և կառավարության կողմից վերահսկվող ավիաբազայում:
Ուժեղացումը կարող է լինել փորձ՝ «կասեցնելու կամ հետաձգելու թուրքական ռազմական գործողությունը», – AFP-ին ասել է դիտարանի ղեկավար Ռամի Աբդել Ռահմանը:
Դիտարանի տեղեկություններով ռուսական զինված ուժերը հասել են նաև սահմանամերձ Ռաս Ալ-Այն (Քոբանի) քաղաքի արվարձաններ:
Հետևեք մեզ տելեգրամում
