Իրանի արտգործնախարար Ամիր Աբդոլլահիանը Մոսկվայում Սիրիայի, ՌԴ և Թուրքիայի արտգործնախարարների հետ քառակողմ հանդիպմանն ունեցած ելույթում ողջունել է Թուրքիայի և Սիրիայի միջև բանակցությունների մեկնարկը՝ ընդգծելով, որ դա տարածաշրջանի խաղաղության ու կայունության օգտին է:
Աբդոլլահիանի խոսքով՝ սիրիական հակամարտության քաղաքական ցանկացած լուծում պետք է ապահովի երկրի ամբողջ տարածքի նկատմամբ Սիրիայի ինքնիշխանությունը:
«Սահմաններին Սիրիայի բանակի տեղակայումը և հարևանների հետ անվտանգության համատեղ ապահովումը կարող է վերացնել Անկարայի ու մյուս հարևանների անվտանգային մտահոգությունները և ահաբեկչական ու անջատողական գործողությունների համար խոչընդոտ հանդիսանալ և հիմք ստեղծել երկու կողմերի միջև բարիդրացիական և ռազմավարական հարաբերությունների հաստատման և Սիրիայի հետ ընդհանուր սահմանային տարածքներից թուրքական զինուժի դուրսբերման համար՝ ըստ համաձայնեցված ժամանակացույցի»,- քառակողմ հանդիպման ժամանակ ընդգծել է Իրանի արտգործնախարարը։
Նա նաև անդրադարձել է սիրիացի փախստականների վերադարձին աջակցելու կարևորությանն ու այդ հարցում երկակի մոտեցումների ու քաղաքական նախապայմաններից խուսափելու անհրաժեշտությանը:
Հետևեք մեզ տելեգրամում
