Վրաստանն աջակցում է Հայաստանի և Ադրբեջանի միջև խաղաղ բանակցություններին: Այս մասին Մոլդովայում Եվրոպական քաղաքական միության (EPC) գագաթնաժողովից առաջ՝ ի պատասխան լրագրողների հարցի, ասել է Վրաստանի վարչապետ Իրակլի Ղարիբաշվիլին:
Ղարիբաշվիլին ընդգծել է,որ խաղաղ բանակցությունները բխում են ողջ Անդրկովկասի շահերից՝ հավելելով, որ Վրաստանը չեզոք դիրք է գրավել տարածաշրջանում կայունության ու խաղաղության ամրապնդման համար։
«Մենք հիանալի հարաբերություններ ունենք երկու երկրների հետ և կարևոր դեր ենք խաղացել պատերազմից հետո առաջին հաջող միջնորդության մեջ։ Մենք աջակցում ենք խաղաղ բանակցություններին»,- ասել է Վրաստանի կառավարության ղեկավարը:
Հետևեք մեզ տելեգրամում
