Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ Հայաստանի և ԱՄՆ-ի զորավարժությունները չեն նպաստում տարածաշրջանում իրավիճակի կայունացմանը։
«Այս իրավիճակում, անխոս, նման զորավարժությունների անցկացումը չի նպաստում իրավիճակի կայունացմանը, ամեն դեպքում, չի նպաստում, և տարածաշրջանում փոխվստահության մթնոլորտի ամրապնդմանը»,- ավելացրել է Պեսկովը:
Նա նաև հայտարարել է, որ Ռուսաստանը բծախնդիր աշխատում է և՛ Հայաստանի, և՛ Ադրբեջանի հետ՝ «նրանց միջև ստեղծված իրավիճակը կարգավորելու համար»։
«Ռուսաստանը շարունակում է կատարել անվտանգության երաշխավորի իր գործառույթները: Ռուսաստանը շարունակում է շատ ուշադիր, բծախնդիր աշխատանքը, հետևողական, կառուցողական աշխատանքը թե՛ Երևանի, թե՛ Բաքվի հետ»։
Հետևեք մեզ տելեգրամում
