Իրանի հոգևոր առաջնորդ Ալի Խամենեին ընդունել է ՀԱՄԱՍ-ի քաղբյուրոյի ղեկավար Իսմայիլ Հանիեի գլխավորած պատվիրակությանը։
Հանդիպմանը Խամենեին ընդգծել է, որ ԻԻՀ-ն երբեք չի վարանի աջակցել Պաղեստինի հարցին և Գազայի ժողովրդին: Խամենեին կարևորել է Գազայի ժողովրդին ուղղված միջազգային, ինչպես նաև իսլամական աշխարհի և հատկապես արաբական աշխարհի հանրային աջակցությունը։
Իր հերթին ՀԱՄԱՍ-ի քաղաքական գրասենյակի ղեկավար Իսմայիլ Հանիեն հայտարարել է, որ «Ալ-Աքսայի ջրհեղեղ» գործողությունը ոչնչացրել է Իսրայելի անպարտելիության առասպելը և Իսրայելը «ծանր կորուստներ» է տվել։ Նա ընդգծել է, որ չնայած Գազայում իրադրությանը՝ Գազայի ժողովուրդը և դիմադրության ուժերը «ամուր կանգնած են» և թույլ չեն տա, որ Իսրայելը հասնի իր նպատակներին։
Հետևեք մեզ տելեգրամում
