Թուրքիայի նախագահ Ռեջեփ Թայիփ Էրդողանը Վրաստանի վարչապետ Իրակլի Կոբախիձեի հետ կայացած հանդիպումից հետո համատեղ մամուլի ասուլիսի ժամանակ անդրադարձել է տարածաշրջանային անվտանգությանը վերաբերող հարցերին:
Նա մասնավորապես նշել է.
«Վերահաստատեցինք Հարավային Կովկասում խաղաղության, հանգստության, կայունության կարևորության և այս նպատակի ուղղությամբ աշխատելու մեր վճռականությունը :
Իմ հարգարժան գործընկերոջ հետ կիսեցինք այն միտքը, որ Հայաստանի ու Ադրբեջանի միջև ստորագրվելիք խաղաղության պայմանագիրը տարածաշրջանի ապագայի տեսանկյունից պատմական մի հնարավորություն է»:
Նշենք, որ Անկարա ժամանած վրացական պատվիրակության կազմում են նաև Վրաստանի կառավարության հինգ անդամներ՝ այդ թվում արտաքին գործերի և պաշտպանության նախարարները, ինչպես նաև Աջարիայի ինքնավար հանրապետության վարչապետը։
Վերջին անգամ Վրաստանի կառավարության ղեկավարը պաշտոնական այցով Թուրքիա մեկնել էր 2021 թվականին։
Հետևեք մեզ տելեգրամում
