Հայկական կարմիր խաչի ընկերությունը հայտնում է, որ իրանական Կարմիր մահիկը մարդասիրական օգնություն է տրամադրել Հայաստանին՝ ջրհեղեղից տուժած քաղաքացինեի համար։
«Իրանի Կարմիր մահիկը, լինելով Հայկական Կարմիր խաչի ընկերության գործընկերը, աջակցություն է առաջարկել տարերային աղետից տուժած Լոռու մարզի քաղաքացիներին: Բեռնատարները կժամանեն Հայկական Կարմիր խաչի ընկերության վերականգնողական կենտրոն»,– ասվում է Հայկական կարմիր խաչի տարածած հաղորդագրության մեջ։
Հաղորդագրության համաձայն՝ օգնությամբ բեռնված բեռնատարները հատել են սահմանը։ Երևանում բեռնատարները կդիմավորեն Իրանի դեսպանատան և Կարմիր մահիկի ներկայացուցիչները, ինչպես նաև Հայկական Կարմիր խաչի ընկերության նախագահ Դավիթ Ներսիսյանը:
Հետևեք մեզ տելեգրամում
