Գերմանիայի դեսպանը կանչվել է Թուրքիայի ԱԳՆ

Թուրքիայի արտաքին քաղաքական գերատեսչությունը կանչել է Անկարայում Գերմանիայի դեսպան Յուրգեն Շուլցին ՝ ՈՒԵՖԱ-ի կողմից սկսված կարգապահական հետաքննության պատճառով թուրք ֆուտբոլիստի նկատմամբ, որը խաղից հետո ցուցադրել է թուրք ազգայնականների «Գորշ գայլեր» ժեստը: Այս մասին հայտնում է CNN Turk հեռուստաընկերությունը`  հղում անելով դիվանագիտական աղբյուրներին։

Թուրքիայի ԱԳՆ – ն հայտարարել է «ՈՒԵՖԱ-ի կողմից այդ հետաքննության անթույլատրելիության մասին» և Գերմանիայի իշխանությունների վերաբերմունքն անվանել է «քաղաքական դրդապատճառներով և այլատյաց»:

Ավելի վաղ հաղորդել էինք, որ ՈւԵՖԱ-ն կարող է որակազրկել թուրք ֆուտբոլիստին՝ ծայրահեղ ազգայնական ժեստի համար։

Մերիհ Դեմիրալը Թուրքիա-Ավստրիա խաղի ժամանակ խփած 2 գոլը «տոնել էր»՝ ցույց տալով իր հայատյացությամբ հայտնի «Գորշ գայլեր» խմբավորման ողջույնի ժեստը:

Գերմանիայի ներքին գործերի նախարար Նենսի Ֆեսերը կոչ է արել պատժել թուրք մարզիկին։