Թեհրանն ահաբեկչություն է համարում Լիբանանում կապի միջոցների պայթեցումը և կատարվածի պատասխանատվությունը դնում է Իսրայելի վրա: Այս մասին հայտարարել են ՄԱԿ-ում Իրանի առաքելությունից ։
«Իրանի Իսլամական Հանրապետությունը խստորեն դատապարտում է սաբոտաժի և ահաբեկչության այս գործողությունը։ Իսրայելական ռեժիմը լիակատար պատասխանատվություն է կրում նման սարսափելի հանցագործությունների կատարման համար», – ասվում է ՄԱԿ-ի գլխավոր քարտուղարին, սնվտանգության խորհրդի նախագահին և գլխավոր ասամբլեային ուղղված նամակում:
Իրանի առաքելությունում կարծում են, որ Իսրայելի գործողություններն ուղղված են տարածաշրջանային լարվածության սրմանը։
Հիշեցնենք` սեպտեմբերի 17-ին Բեյրութում և Լիբանանի շրջաններում փեյջերների զանգվածային պայթեցում է տեղի ունեցել, որի հետևանքով, ըստ վերջին տվյալների, 12 մարդ է մահացել, տուժածների թիվը գերազանցում է 2800-ը։ Երկրի իշխանությունները կատարվածի պատասխանատվությունը դրել են Իսրայելի վրա։
Ըստ ԶԼՄ–ների` կիբեռհարձակումը կազմակերպել է իսրայելական հատուկ ծառայությունների գործակալ Մահշիր Կեշերը։
Այսօր հայտնի դարձավ, որ Լիբանանում նաև ռադիոկապի միջոցներ ու ավտոմեքենաների նվագարկիչներ են պայթել, մի շարք քաղաքներում հրդեհներ են բռնկվել բազմաբնակարան շենքերում, այրվել են նաև մեքենաներ:
Հետևեք մեզ տելեգրամում
