Նյու Յորքում հանդիպել են Իրանի ու Ֆրանսիայի նախագահներ Էմանուել Մակրոնն ու Մասուդ Փեզեշքիանը: Տեղեկությունը հայտնում է իրանական IRNA լրատվամիջոցը:
Հանդիպման ընթացքում Իրանի նախագահը խոսել է «սիոնիստական ռեժիմի հանցագործությունների» մասին՝ ընդգծելով, որ Ֆրանսիան կարող է դեր խաղալ դրանց դադարեցման գործում: Նա շեշտել է, որ Իսրայելի գործողությունների շարունակումը իրավիճակը կարող է դուրս բերել վերահսկողությունից:
«Մենք հետամուտ ենք այնպիսի աշխարհի կառուցմանը, որը հիմնված է խաղաղության և բոլոր մարդկանց արժանապատվության պահպանման վրա, և,ըստ այդմ, պատրաստ ենք համագործակցել և փոխգործակցել նաև եվրոպական երկրների հետ»,- Փեզեշքիանը:
Նա ընդգծել է, որ Իրանը երբեք միջուկային զենք չի ցանկացել և չի ցանկանալու:
«Մենք, իհարկե, շարունակելու ենք զարգացնել մեր պաշտպանական կարողությունները, քանի որ Գազայում իրադրությունը մեր և աշխարհի բոլոր երկրների համար խրատական դաս է, որ եթե ուժեղ չլինենք, սիոնիստական հանցագործ ռեժիմը նույն կերպ կարող է մեզ վրա հարձակվել: Բայց մենք պատրաստ ենք երկխոսել և փոխգործակցել Իրանի զարգացման խոչընդոտները վերացնելու ուղղությամբ»,- ասել է Իրանի նախագահը:
Իր հերթին Մակրոնը անհանգստությունն է հայտնել տարածաշրջանում իրադրության կապակցությամբ և դատապարտել Լիբանանի վրա Իսրայելի հարձակումը:
Հետևեք մեզ տելեգրամում
