Հայաստան կայցելի Իրանի արդյունաբերության նախարարը

Հայաստան կայցելի Իրանի հանքերի, արդյունաբերության և առևտրի նախարար Մոհամմադ Աթաբաքը: Տեղեկությունը հայտնում է IRNA լրատվամիջոցը:

Հաղորդվել է, որ Մոհամմադ Աթաբաքը Հայաստան է այցելելու Եվրասիական տնտեսական համաժողովին մասնակցելու նպատակով: Նրան ուղեկցելու են Իրանի առևտրի զարգացման կազմակերպության նախագահ Մոհամմադ Ալի Դեհղան Դահնավին, ինչպես նաև 100-ից ավելի մասնավոր ընկերությունների ներկայացուցիչներ: