ԱՄՆ այցի շրջանակում Թուրքիայի նախագահ Ռեջեփ Թայիփ Էրդողանը Նյու Յորքում՝ «Թուրքական տանը» պատասխանել է լրագրողների հարցերին, խոսելով նաև հայ-թուրքական և հայ-ադրբեջանական հարաբերությունների գործընթացներից։
«Երբ նայում ենք Փաշինյանի մոտեցմանը նա բացասական տրամադրված չի երևում։ Որպես Թուրքիա ցանկանում ենք պահ առաջ ապահովել Հայաստան-Ադրբեջան խաղաղության պայմանագիրը, որ հանգստության մեջ ապրեն որպես հարևաններ։ Մենք էլ, առանց այդ էլ, դա ենք ձգտում, դա ենք ջանում։
Իմ ցանկությունն այն է, որ Ադրբեջանի և Հայաստանի միջև այս զարգացումները աստիճանաբար կարգավորենք, լուծենք, և Ադրբեջանի և Հայաստանի միջև առկա այս խնդիրները հաղթահարելու միջոցով արդեն ճանապարհ ընկնենք։ Քանի որ երկու կողմերն էլ իրականում խաղաղությանն են կողմ։ Այս պահին Ադրբեջանը նման սպասում, ձգտում ունի։ Հայաստանի մեջ ևս դա տեսանք։ Մենք մտածում ենք, որ ձևավորվելիք հանգստության և խաղաղության մթնոլորտը բոլորի համար լավագույնն է լինելու։ Հայաստանի և Ադրբեջանի միջև խաղաղությունը երկու երկրների համար էլ կբացի նոր հնարավորությունների և ձեռքբերումների դուռը։ Թուրքիայի և Հայաստանի միջև կարգավորման գործընթացը ևս դրական ուղղությամբ ազդեցություն կկրի այս խաղաղության գործընթացի դրական հանգուցալուծմամբ»,- նշել է նա։
Հիշեցնենք, որ ՄԱԿ-ի Գլխավոր վեհաժողովի 79-րդ նստաշրջանի շրջանակում տեղի էր ունեցել Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը:
Հետևեք մեզ տելեգրամում
