Դաժան ծեծից և դանակահարությունից հետո Ֆրանսիայում բնակվող ադրբեջանցի ընդդիմադիր գործիչ Վիդադի Իսգանդարլին մահացել է: Այս մասին հայտնել է մահացած գործչի եղբայրը՝ «Радио Свобода»-ի հարցազրույցում։
Ըստ նրա՝ Վիդադի Իսգանդարլիի բնակարանի վրա հարձակում է տեղի է ունեցել:
«Կասկած չունեմ, որ սա քաղաքականապես մոտիվացված սպանություն է։ Իմ եղբայրը դիմացել էր մոտ 15 հարձակվողների նախորդ հարձակմանը 2022թ. այստեղ, Ֆրանսիայում»,- ավելացրել է նա։
Հաղորդվել է, որ ընդդիմադիր գործիչը դանակի առնվազն 21 հարված է ստացել որովայնին, ինչպես նաև հարվածներ մարմնին և գլխին։ Նա այդպես էլ գիտակցության չի եկել և մահացել է ստացած վերքերից հոկտեմբերի 1-ի առավոտյան։
Վիդադի Իսգանդարլին հայտնի էր որպես Ադրբեջանի կառավարության եւ նախագահ Իլհամ Ալիևի քննադատ: Նա ընտանիքի հետ Ֆրանսիա է տեղափոխվել 2015թ.-ին՝ զգուշանալով հետապնդումներին:
Հետևեք մեզ տելեգրամում
