Իրանի հոգևոր առաջնորդ Ալի Խամենեին անդրադարձել է Իրանի վրա Իսրայելի հարձակմանը՝ նշելով, որ «սիոնիստներն Իրանի հարցում հաշվարկային սխալ են գործել:
«Նրանք Իրանը չեն ճանաչում, Իրանի երիտասարդներին, ժողովրդին չեն ճանաչում: Նրանք Իրանի ժողովրդի կամքն ու կարողությունները չեն կարողացել ճիշտ հասկանալ: Դա պետք է նրանց հասկացնենք»,- ասել է Իրանի հոգևոր առաջնորդը:
Խամենեին նաև նշել է, որ չնայած Իսրայելի գործողությունները ուռճացված են եղել, սակայն նսեմացնելն էլ է սխալ:
«Ասելը, որ առանձնապես մի բան չէր, կարևորություն չուներ, սխալ է: Սիոնիստներն Իրանի հարցում հաշվարկային սխալ են գործել»,- հայտարարել է Իրանի հոգևոր առաջնորդը:
Հետևեք մեզ տելեգրամում
