Վրաստանում ցույցեր են՝ ընդդեմ խորհրդարանական ընտրությունների

Նոյեմբերի 4-ին Թբիլիսիի կենտրոնում տեղի է ունեցել Վրաստանի ընդդիմության լայնածավալ բողոքի ցույցը՝ ընդդեմ խորհրդարանական ընտրությունների։ «Միասնություն — Ազգային շարժում» ընդդիմադիր միավորման ղեկավար Գիորգի Վաշաձեն ներկայացրել է ընդդիմության գործողությունների առաջիկա պլանը․

•նշանակել նոր ընտրություններ
•չճանաչել ընտրության արդյունքները և խորհրդարանի լեգիտիմությունը
•սկսել դիմադրության շարժում և ընդարձակել դիմադրության ճակատը՝ ողջ Թբիլիսիում և ողջ Վրաստանում
•շարունակել հավաքել ապացույցներ և փաստաթղթեր՝ հոկտեմբերի 26-ի ընտրությունների խախտումների միջազգային հետաքննության համար
•պայքարը շարունակել՝ մինչև վերջնական հաղթանակ

Հաջորդ ցույցը կայանալու է այսօր՝ նոյեմբերի 5-ին։

Նշենք, որ Վրաստանի Կենտրոնական ընտրական հանձնաժողովի տվյալներով՝ իշխող «Վրացական երազանք»-ը ստացել է ձայների գրեթե 54%-ը։ Ե՛վ ընդդիմությունը, և՛ Վրաստանի նախագահ Սալոմե Զուրաբիշվիլին չեն ճանաչում արդյունքները և խոսում են տոտալ կեղծման ու ձայների գողության մասին։