Վրաստանի վարչապետ Իրակլի Կոբախիձեն հայտարարել է, որ Եվրամիության կողմից Մոլդովայի և Վրաստանի նկատմամբ «տարբեր վերաբերմունք կա»։
Բուդապեշտում Եվրոպական քաղաքական համայնքի 5-րդ գագաթաժողովի շրջանակում իր ելույթի ժամանակ Կոբախիձեն պնդել է, որ Մոլդովան այն երկիրն է, որի քաղաքացիների միայն 45 տոկոսն է «ուղղակիորեն» աջակցում ԵՄ ինտեգրմանը, և բացի այդ, «Մոլդովան, ինչպես Վրաստանը, պատժամիջոցներ չի կիրառել Ռուսաստանի դեմ»։
«Եթե ինչ-որ տեղ ընտրությունների հետ կապված խնդիրներ կային, ապաՄոլդովայում էր։ Դուք գիտեք, թե ինչպես են ընտրություններն անցկացվել այնտեղ։ Երբ քո երկրում պարտվում ես ընտրություններում, այլևս չպետք է համարձակ խոսես։ Խնդիրը երկակի ստանդարտներն ու անարդարություններն են»,- շարունակել է նա՝ պնդելով, որ չորոշակիացված խմբավորումը փորձել է Վրաստանում իշխանության վերադարձնել այն ուժերին, որոնք «խոշտանգում էին, սպանում մարդկանց և գրավում բիզնեսները մինչև 2012 թվականը»։
Հետևեք մեզ տելեգրամում
