Այցելուների մուտքը Վրաստանի խորհրդարան, որտեղ երեքշաբթի՝ նոյեմբերի 26-ին, կսկսվի նոր կառավարությանը վստահություն հայտնելու ընթացակարգը, սահմանափակ է․ անվտանգության դեղին մակարդակ է մտցվել։
Միայն համապատասխան կառուցվածքային ստորաբաժանումների կողմից հրավիրված անձանց կթույլատրվի մասնակցել ծրագրված խորհրդարանական միջոցառումներին, այդ թվում՝ հանձնաժողովների և լիագումար նիստերին:
«Վրաստանի խորհրդարանի նախագահի 2023 թվականի սեպտեմբերի 4-ի թիվ 1/259/23 հրամանի համաձայն («Վրաստանի խորհրդարանի պալատում անվտանգության կանոնները հաստատելու մասին») այս տարվա նոյեմբերի 26-ից Վրաստանի խորհրդարանի պալատում կգործի անվտանգության դեղին մակարդակով, այցելուների համար մուտքը սահմանափակ է Խորհրդարանի պալատ։ Այդ միջոցառումների նպատակը Վրաստանի խորհրդարանի պալատում աշխատանքային և անվտանգ միջավայրի ապահովումն է»,-ասված է խորհրդարանի հաղորդագրության մեջ։
Նորընտիր խորհրդարանի առաջին նիստը կայացել էր նոյեմբերի 25-ին, որին մասնակցել են միայն իշխող «Վրացական երազանք»-ի պատգամավորները։ Ընդդիմության ներկայացուցիչները բոյկոտում են նոր խորհրդարանը՝ հայտարարելով, որ ընտրություններն անցկացվել են տոտալ կեղծիքներով։
Հետևեք մեզ տելեգրամում
