Իսրայելը ՀԱՄԱՍ-ին է ներկայացրել հրադադարի գործարքի թարմացված տարբերակը: Այս մասին գրում է «The Jerusalem Post» թերթը:
Թերթի տեղեկություններով՝ թարմացված տարբերակով առաջարկվում է 42-60 օր տևողությամբ զինադադար հաստատել։ Այս ընթացքում ՀԱՄԱՍ-ը պարտավորվում է ազատ արձակել կին պատանդներին, 50-ից բարձր տղամարդ և ծանր առողջական վիճակում գտնվող պատանդներին: Փոխարենն Իսրայելը պատրաստակամ է ազատ արձակել պաղեստինցի հարյուրավոր բանտարկյալների՝ այդ թվում՝ ցմահ դատապարտվածներին:
Իսրայելական կողմը հրադադարի թարմացված տարբերակը ՀԱՄԱՍ-ին է փոխանցել եգիպտացի միջնորդների միջոցով:
«Մենք սպասում ենք, որ եգիպտացիները մեզ տեղեկացնեն ՀԱՄԱՍ-ի պատասխանի մասին… Մի քանի օրվա ընթացքում մենք կիմանանք՝ արդյո՞ք ՀԱՄԱՍ-ը պատրաստ է բանակցել մեր ներկայացրած առաջարկներով, թե ոչ»,- ասել է գործընթացներին մոտ կանգանծ իսրայելցի պաշտոնյան:
Եթե ՀԱՄԱՍ-ը դրական պատասխան տա, իսրայելական պատվիրակությունը կմեկնի Կահիրե՝ վերջնական տեսքի բերելու հիմնական մանրամասները՝ հրադադարի ժամկետը, ազատ արձակվելիք պատանդների թիվը և պաղեստինցի բանտարկյալների ազատ արձակումը:
Հետևեք մեզ տելեգրամում
