Սիրիայում տեղի ունեցող իրադարձությունների համատեքստում Թուրքիայի կողմից աջակցություն վայելող «Սիրիայի ազատ բանակը» «Ազատության արշալույս» ռազմական գործողության շրջանակներում վերահսկողության տակ է առել Սիրիայի Մանբիչ շրջանի 80 տոկոսը, որը նախկինում գտնվում էր Սիրիայի քրդական ուժերի վերահսկողության տակ։
Տեղեկությունը հայտնել է Թուրքիայի իշխանական «TRT» լրատվանիջոցը՝ հղում անելով անվտանգության աղբյուրներին։
Հիշեցնենք, որ դեկտեմբերի 8-ի առավոտյան ընդդիմադիր խմբավորումների զինյալները մտել են Դամասկոս։ Al Jazeera հեռուստաալիքի փոխանցմամբ՝ կառավարական ուժերը լքել են քաղաքի կենտրոնը։ Զինված խմբավորումները նոյեմբերի վերջին սկսել են լայնածավալ հարձակում սիրիական բանակի դիրքերի դեմ։ Դեկտեմբերի 7-ի երեկոյի դրությամբ Սիրիայի նախագահ Բաշար ալ Ասադի հակառակորդները գրավել են մի քանի խոշոր քաղաքներ՝ Հալեպը, Համա, Դեյր էզ Զորը, Դարաան և Հոմսը։
Դամասկոսը վերահսկողության տակ առնելուց հետո զինյալները մուտք են գործել Սիրիայի ՊՆ շենք, ինչպես նաև նախագահական պալատի համալիր:
Հետևեք մեզ տելեգրամում
