Իրանի ազգային անվտանգության գերագույն խորհրդի քարտուղար Ալի Աքբար Ահմադիանը ՀՀ ԱԽ քարտուղար Արմեն Գրիգորյանի հետ հանդիպմանը վերահաստատել է տարածաշրջանի աշխարհաքաղաքական ցանկացած փոփոխությանը դեմ լինելու Իրանի սկզբունքային դիրքորոշումը: Այս մասին գրում է իրանական ISNA լրատվամիջոցը:
Կողմերը գոհունակություն են հայտնել քաղաքական, անվտանգային, տնտեսական ոլորտներում երկկողմ հարաբերությունների զարգացման ընթացքի կապակցությամբ: Մտքեր են փոխանակվել նաև տարածաշրջանային հարցերի շուրջ: Կողմերն ընդգծել են Կովկասում կայունության ու խաղաղության հաստատման անհրաժեշտությունը:
Հանդիպմանն Արմեն Գրիգորյանը ցանկություն է հայտնել, որ Հայաստանն ավելի մեծ ներկայություն և մասնակցություն ունենա Հյուսիս-Հարավ միջանցքում, ինչպես նաև Չաբահար նավահանգստում:
Հետևեք մեզ տելեգրամում
