Իսրայելը հույս ունի, որ գեներալ Ժոզեֆ Աունի ընտրությունը Լիբանանի նախագահի պաշտոնում կօգնի կայունացնել իրավիճակը հանրապետությունում և ճանապարհ կբացի բարիդրացիական հարաբերությունների համար։ Այս մասին հայտարարել է Իսրայելի ԱԳՆ ղեկավար Գեդեոն Սաարը։
«Շնորհավորում եմ Լիբանանին երկարատև քաղաքական ճգնաժամից հետո նոր նախագահի ընտրության կապակցությամբ: Հուսով ենք, որ ընտրությունները կնպաստեն կայունության ամրապնդմանը, Լիբանանի և նրա ժողովրդի ավելի լավ ապագայի, բարիդրացիական հարաբերությունների հաստատմանը»,-ասված է ԱԳՆ մամուլի ծառայության տարածած հաղորդագրության մեջ։
Հիշեցնենք, որ հունվարի 9-ին երկամյա դադարից հետո Լիբանանում նախագահ ընտրվեց երկրի բանակի հրամանատար Ժոզեֆ Աունը: Նա հավաքել պատգամավորների 99 ձայնը՝ հնարավոր 128-ից՝ վերջ տալով երկրի քաղաքական ճգնաժամին:
Հետևեք մեզ տելեգրամում
