Թուրքիայի հայ համայնքի թիվը նվազում է․ Մաշալյանը մտահոգ է

Պոլսո հայոց պատրիարք Տ․ Սահակ արք Մաշալյանը սուրբծննդյան ամենամյա ընդունելության ժամանակ, որի օրակարգում այս անգամ եղել է փոքրամասնությունների հիվանդանոցների հիմնադրամների ղեկավարության ընտրության հարցը, խոսել է հայ համայնքի խնդիրների մասին։

Մաշալյանը նշել է, որ 2024 թ․-ին 183 մկրտություն է գրանցվել համայնքում, մահացածների թիվը 546 է։ Նա այդ ցուցանիշը մտահոգիչ է համարել՝ ասելով, որ մտածում են, որ համայնքի թիվը 35-ից 40 հազար է այժմ կազմում։ Մաշալյանը շեշտել է, որ թվաքանակով քչանալը ցույց է տալիս, որ գնալով համայնքը թուլանում է, ընդ որում՝ 40 հազար մարդուց միայն 5 հազարն է համայնքային կյանքին ներգրավված։