Արձագանքելով Գազայի հատվածի բնակիչներին այլ հատվածներ վերաբնակեցնելու ԱՄՆ նախագահ Դոնալդ Թրամփի կոչին՝ Իսրայելի ԱԳ նախարար Գեդեոն Սաարն երկրի խորհդարանում հայտարարել է, որ անհրաժեշտ է դիտարկել այդ գաղափարները:
«Գազան իր նախկին տեսքով ապագա չունի։ Պետք է գտնել մեկ այլ լուծում, և դա այն է, ինչ փորձում է անել նախագահ Թրամփը»,- ասել է նա Քնեսեթի ամբիոնից։
«Քանի դեռ միգրացիան իրականացվում է մարդու ազատ կամքով, և քանի դեռ կա երկիր, որը պատրաստ է ընդունել տվյալ մարդուն, չի կարելի ասել, որ դա անբարոյական է կամ անմարդկային»,- շարունակել է արտգործնախարարը:
Սաարն հավելել է, որ Գազայի հատվածը լի է «ատելությամբ Իսրայելի նկատմամբ և այն ոչնչացնելու ցանկությամբ»։
ԱԳ նախարարը կոչ է արել ուսումնասիրել Թրամփի այս առաջարկները:
Վերոնշյալ վերաբերյալ հայտարարություն է տարածել Ֆրանսիայի արտգործնախարարությունը՝ համաձայն որի Գազայի հատվածը չպետք է վերահսյվի որևէ այլ երրորդ երկրի կողմից: Հայտարարության մեջ ասվում է, որ Ֆրանսիան կողմ է երկու պետություն սկզբունքով խնդրի լուծմանը: Միայն այս լուծումը կարող է երկարաժամկետ խաղաղություն և անվտանգություն երաշխավորել ինչպես իսրայելցիների, այնպես էլ պաղեստինցիների համար
Հետևեք մեզ տելեգրամում
