Իսրայելական ԶԼՄ-ները բացահայտել են ևս 3 տարածքներ, որոնք դիտարկում է ԱՄՆ նախագահ Դոնալդ Թրամփը Գազայի հատվածի բնակիչներին տեղափոխելու համար։
Իսրայելական «Chanel 12»-ը հայտնում է, որ Սոմալիի տարածքում գտնվող և չճանաչված Սոմալիլենդը և Պունտլենդը Մարոկկոյի հետ միասին այն վայրերն են, որոնք առաջադրվել են ընդունելու պաղեստինցիներին:
Իր հերթին Սպիտակ տան խոսնակ Քերոլայն Լևիթը փորձել է բացատրել Թրամփի ծրագիրը՝ որոշ մանրամասներ չբացահայտելով։ Նա ասել է, որ Թրամփը խոստացել է վերակառուցել Գազայի հատվածը և ժամանակավորապես տեղափոխել բնակիչներին: Խոսնակը հավելել է, որ Թրամփը չի խոստացել ամերիկյան ուժեր տեղակայել Գազայի հատվածում, բայց միևնույն ժամանակ նա «պատմական» է որակել ԱՄՆ նախագահի առաջարկը:
Հետևեք մեզ տելեգրամում
