Իլոն Մասկի ղեկավարած ԱՄՆ պետարդյունավետության նախարարությունը հայտարարել է, որ դադարեցնում է Politico-ին ու այլ ԶԼՄ-ների ֆինանսավորումը, որն իրականացվում էր USAID-ի միջոցով։ Politico-ն այդ աջակցության շրջանակում միլիոնավոր դոլարներ էր ստանում։
CNN-ի փոխանցմամբ, Սպիտակ տունը հայտարարել է, որ կչեղարկի 8 միլիոն դոլար արժողությամբ Politico-ի բաժանորդագրությունները՝ աջակողմյան կեղծ դավադրության տեսության տարածումից հետո։
Թրամփի թիմը Politico-ին մեղադրել է իր նկատմամբ կողմնակալության և 2020 թվականի քարոզարշավի ընթացքում Հանթեր Բայդենին՝ նրա դեմ ուղղված մեղադրանքներից պաշտպանելու մեջ: Հանթերին ուղղված մեղադրանքները Politico-ն անվանել է «ռուսական ապատեղեկատվություն»։
Սպիտակ տան խոսնակ Քերոլայն Լևիտը լրագրողների հետ հանդիպմանն անդրադարձել է սոցիալական ցանցերում տարածված այն տեղեկություններին, որ Politico-ն և Associated Press-ը տարիներ շարունակ միլիոնավոր դոլարներ են ստացել ԱՄՆ Միջազգային զարգացման գործակալությունից, որը նախագահ Դոնալդ Թրամփն ու Իլոն Մասկը թիրախավորել են՝ աշխատակիցներին ուղարկելով արձակուրդ։
Նա նշել է, որ միլիոնավոր դոլարների բաժանորդագրություն է իրականացվել դաշնային գործակալությունների կողմից, անցած տարի միայն Politico-ի բաժանորդագրությունների գումարը կազմել է ընդհանուր 8.2 միլիոն դոլար։
Լևիտն ասել է, ինքը տեղեկացված է՝ ԱՄՆ Միջազգային զարգացման գործակալության ֆինանսավորման մասին լրատվամիջոցներին, այդ թվում՝ Politico-ին, և նշել, որ հարկատուների դոլարները, որոնք հատկացվել են «Ամերիկացի հարկատուների դրամական գումարով Politico-ին հիմնականում սուբսիդավորելու համար այլևս չեն լինի»:
Հետևեք մեզ տելեգրամում
