ԱՄՆ հետախուզական ծառայությունները եկել են այն եզրակացության, որ Իսրայելը դիտարկում է այս տարի Իրանի միջուկային օբյեկտներին խոշոր հարվածներ հասցնելու հնարավորությունը՝ ձգտելով օգտվել Թեհրանի թուլացած կարգավիճակից: Այս մասին հայտնում է The Wall Street Journal-ը՝ հղում անելով աղբյուրներին։
Եզրակացությունը ներառվել է ԱՄՆ նախկին նախագահ Ջո Բայդենի վարչակազմի վերջին օրերին պատրաստված վերլուծական զեկույցում։ Փաստաթուղթն ընդգծում է տարածաշրջանում հետագա ռազմական ակտիվության ռիսկերն այն բանից հետո, երբ 2024թ․ ընթացքում թուլացել էր Իրանի հնարավորությունները։
Ըստ թերթի երկու աղբյուրների՝ Իսրայելը ծրագրում է աջակցություն ստանալ Դոնալդ Թրամփի վարչակազմից նման հարվածների համար, քանի որ, ի տարբերություն նախկին նախագահ Ջո Բայդենի, ավելի հավանական է, որ Թրամփնը կաջակցի հարձակմանը։ Ավելին, իսրայելական կողմը մտավախություն ունի, որ Թեհրանի՝ միջուկային զենք ստեղծել գործընթացը կանխելու ժամանակը սպառվում է։
Մեկ այլ զեկույց էլ, որը կրկնում է այս եզրակացությունները, հրապարակվել է Թրամփի վարչակազմի առաջին օրերին։ Ռազմական փորձագետներն ասում են, որ Իսրայելին անհրաժեշտ կլինի ամերիկյան աջակցությունը, ներառյալ զինամթերք և տեխնիկական օգնություն, որպեսզի հարձակվեն Իրանի խիստ ամրացված միջուկային օբյեկտների վրա:
Հետևեք մեզ տելեգրամում
