Պաղեստինյան «ՀԱՄԱՍ» շարժումը նամակ է հղել Պաղեստինի ազատագրման կազմակերպությանը, որում հայտնել է Գազայի հատվածը Պաղեստինի ազգային վարչակազմի և կառավարական կոմիտեի վերահսկողությանը հանձնելու պատրաստակամության մասին։ Այս մասին հայտնում է Sky News Arabia հեռուստաալիքը՝ վկայակոչելով իր աղբյուրներին։
Նրանց խոսքով՝ «ՀԱՄԱՍ»-ը, միաժամանակ, պայման է առաջ քաշել, ըստ որի` Գազայի պետական պաշտոնյաները պետք է նոր վարչակազմում ապահոված լինեն աշխատատեղերով, իսկ աշխատանքից ազատվելու դեպքում շարունակեն աշխատավարձ ստանալ։ Նշվում է, որ շարժումն այս որոշումը կայացրել է Եգիպտոսի «ուժեղ ճնշման» ներքո՝ Կահիրեում իր պատվիրակության բանակցություններից հետո։
Փետրվարի 15-ին եգիպտական «Ալ-Կահիրա ալ-Իխբարիա» հեռուստաալիքը հայտնել էր, որ «ՀԱՄԱՍ»-ը միջնորդներին տեղեկացրել է, որ մտադիր է կատարել Իսրայելի հետ հրադադարի համաձայնագիրը և ապագայում չի պատրաստվում մասնակցել Գազայի հատվածի կառավարմանը։ Եգիպտոսը, ըստ աղբյուրի, ինտենսիվ խորհրդակցություններ է անցկացնում ժամանակավոր հանձնաժողովի ստեղծման շուրջ, որը պատասխանատու կլինի անկլավի բնակիչներին օգնություն տրամադրելու և դրա վերականգնման համար:
Հետևեք մեզ տելեգրամում
